പാടാം നമുക്കൊരു ഗാനം.

പാടാം  നമുക്കൊരു ഗാനം.

പാടുവാൻ മോഹമുണ്ടേറെയെൻ തോഴാ നീയെന്നരികിലുണ്ടെങ്കിൽ 
 പാഴ്മുളം തണ്ടിൽ നിന്നൂറുന്ന രാഗം  
പാഴ്ശ്രുതിയായിടും മുമ്പേ 

പാടാത്ത പാട്ടുകൾ എന്റെ മനസ്സിൽ,വെണ്‍- 
പ്രാവായ് കുറുകുന്നു ദീനം
നിൻ മൃദു സ്പർശനമൊന്നതു പോരുമേ
ഇന്നതിൻ നോവകറ്റീടാൻ ...
ഇന്നതിൻ നോവകറ്റീടാൻ .....

പ്രാണൻ പിടയുന്ന നോവുമായെൻ ജന്മം
പാഴായിപ്പോവാതിരിക്കാൻ  
പാവമെൻ ചാരത്തു നീയണയില്ലേ 
 പാടാം  നമുക്കൊരു  ഗാനം .....
പാടാം  നമുക്കൊരു  ഗാനം .....