ഓണം വന്നേ

 ഓണം വന്നേ... പൂത്തുമ്പി പറഞ്ഞേ 
 ഓണം വന്നേ..... പൂങ്കാറ്റു പറഞ്ഞേ 
 പൂക്കൈതത്തണലിലിരുന്നൊരു 
 പൂങ്കിളിയും ചൊന്നേ ..പൊന്നോണം വന്നേ....

 ഓണം വന്നേ.......

പൂക്കൂട നിറച്ചേ പിഞ്ചോമനകൾ
പൂക്കളമിട്ടേ   പൂവാകമരങ്ങൾ 
അത്തിമരക്കൊമ്പിലിരുന്ന് 
തത്തകളും ചൊന്നേ ... പൊന്നോണം വന്നേ...

 ഓണം വന്നേ.....

കുളിരരുവികൾ കളകളമൊഴുകി 
കുളിരലകൾ പുഞ്ചിരി തൂകി 
പുതുമണവും പേറിയലഞ്ഞൊരു
കുളിർകാറ്റും ചൊന്നേ... പൊന്നോണം വന്നേ...

ഓണം വന്നേ....